sábado, 13 de diciembre de 2014

A la gueta merucos

Munchos chises de prau aportaron al conceyu de Gozón nos meses de ochobre y Payares, y llenen los praos col so reclamu. El chis ye un páxaru insectívoru a lo llargu to'l añu, y xinta invertebraos que alcuentra nel suelu. Esti andaba güei a la gueta merucos nel aparcamientu de Moniello.

Muchos bisbitas pratenses han llegado al concejo de Gozón en los meses de octubre y noviembre, y llenan los prados con su reclamo. El bisbita es un pájaro insectívoro durante todo el año, y come invertebrados que encuentra en el suelo. Este andaba hoy a la busca de lombrices en el aparcamiento de Moniello.



Ye esti un sitiu afayaízu pa poder alcontrales. L'augua de lluvia percorre pel hormigón, enllena los furacos del aparcamientu, pon  la yerba pingando y allandia la tierra; poro, los chises pueden sacales con más facilidá. Esti de güei escazaba en cada furaco.

Es este un sitio muy adecuado para poder encontrarlas. El agua de lluvia recorre el hormigón, llena los agujeros del aparcamiento, moja la hierba y ablanda la tierra. Por ello, los bisbitas las pueden sacar más fácilmente. Este de hoy rebuscaba en cada agujero.



Dempués de terminar cola fame, ye la hora de tornar al posadoriu, la barandiella de madera qu'arrodia l'aparcamientu. Y lluéu, a esnalar a otru lláu...

Después de acabar con el hambre, es hora de volver al posadero, la barandilla de madera que rodea el aparcamiento. Y luego, a volar a otro sitio...



3 comentarios: