domingo, 16 de enero de 2022

Pimpin real nel iviernu

El pimpin real Fringilla montifringilla arribó a Asturies en grandes cantidaes la última seronda. Pudieron vese munchos bálamos de decenes, y dellos de centenes de aves espardíos por la nuesa xeografía. Dalgunos dellos pararon en Gozón, en maizales, onde se alimentaben de los granos de maíz cayíos nel suelu dempués de coyer les mazorques.

Casi todos los bálamos estuvieron n'Asturies namás que unos díes, pa llueu desapaecer a la gueta de otres zones onde alimentase. La principal comía del pimpin real durante l'iviernu son los fayucos y por eso se atopen en los fayeos. N'Asturies deben envernar na Cordillera de xuru.


Dalgunos pimpines parez que no marcharon y quedaron por equí. Nel pasáu mes d'Avientu pude agüeyar un par d'ellos, y neste mes de xineru un bálamu pequeñu de una docena na zona Bocines, xintando de les piñes de los humeros en una viesca de ribera, xunto a otro bálamo de úbanos de unos 80 páxaros. Ye la primera vegada que veo  a los pimpines reales xintar de estos árboles.




No hay comentarios:

Publicar un comentario