sábado, 28 de junio de 2014

7 patinos

Una fema d'azulón non alcontró meyor abellugu pa tener a los sos patinos que la charca los patos nel parque Ferrera, n'Avilés. Son 7, que píen ensin parar.


Esto indícanos bien dafechu el cambiu que pegó la especie nestos caberos años. Enantes era bien escondediza, como los demás coríos, pero agora ye capaz de criar en cualquier llugar que tenga daqué d'agua: estanques, canales, llamargues...


Les azulones pueden tener pollaes en cualquier momentu ente los meses d'abril y xunetu. Tou ello esplica la gran esplosión d'esti coríu, que ta agora mesmo en tolos llaos. La nuesa azulona va tener qu'engarrase contra munchos enemigos pa sacar alantre a los sos patinos: gatos, perros, otres aves, o un par de grandes pexes, carpes, que naden nel estanque.



Oxalá lo llogre, de momentu esta nueva familia ye una atración nel parque y llama l'atención de muncha xente.



1 comentario:

  1. Da miedo esa foto de la carpa junto a los patitos.
    Un cordial saludo.
    PD: Debes ser uno de los pocos blogueros naturalistas asturianos que realizan entradas en vuestro idioma. No pierdas esa sana costumbre.

    ResponderEliminar