Gallinetes a escondides

La gallineta Gallinula chloropus ye una ave acuática de color escuro, con rayes curties blanques y picu bicolor, coloráu cola punta mariella. En Gozón críen unes poque pareyes en zones húmedes: llamargues, regatos, canales o el pantano La Granda. Añera ente la vexetación cerca l'agua y nada bien, pero nun cala pa pescar.

La gallineta ye un páxaru bien tímido y escondedizo, nunca ta lloñe de la oriella y a media seña que siente la nuesa presencia cuerre a escondese y buscar abellugu ente la vexetación. Fai unos díes agüeyé un adulto na charca de Maqua.

Los xuveniles son de tonos pardos pa camuflase y pasar desapercibíos; al poco de nacer dexen el ñeru y van detrás de los padres, aunque nun-yos gusta nadar. Entós vense-y les pates verdoses, como esti que alcontré también na charca Maqua.